Sunday, June 11, 2006

ഇലഞ്ഞിപ്പൂമണം

ഇലഞ്ഞിപ്പൂമണം
ഒഴുകിവരുന്നു
ഇന്ധ്രിയങ്ങളിലതു
പടരുന്നു
പകല്‍കിനാവിന്‍
പനിനീര്‍ മഴയില്‍
പണ്ടു നിന്‍ മുഖം
പകര്‍ന്ന ഗന്ധം

ഇലഞ്ഞിപ്പൂമണം
ഒഴുകിവരുന്നു

--
രജതരേകകള്‍ നിഴലുകള്‍ പാകി
രജനീഗന്ധികള്‍ പുഞ്ചിരി തൂകി
ഈ നിലാവിന്‍
നീല ഞൊറികളില്‍
ഓമനേ നിന്‍ പാവാടയിളകി
കൊഴിഞ്ഞദിനത്തിനിതളുകള്‍ പോലേ
തകര്‍ന്നുവോ നിന്‍ പൂമ്പട്ടു സിരകള്‍

ഇലഞ്ഞിപ്പൂമണം
ഒഴുകിവരുന്നു

--

തരളരശ്മികള്‍ തന്ത്രികളായി
തഴുകീ കാറ്റല
കവിതകളായി
ഈ നിശീദം
പാടും വരികളില്‍
ഓമനേ നിന്‍ ശാലീനനാദം

അടര്‍ന്ന കിനാവിന്‍
തളിരുകല്‍ പൊലേ
അകന്നുവോ നിന്‍
പൊന്‍ ചിലമ്പൊലികള്‍

ഇലഞ്ഞിപ്പൂമണം
ഒഴുകിവരുന്നു
ഇന്ധ്രിയങ്ങളിലതു
പടരുന്നു
പകല്‍കിനാവിന്‍
പനിനീര്‍ മഴയില്‍
പണ്ടു നിന്‍ മുഖം
പകര്‍ന്ന ഗന്ധം

ഇലഞ്ഞിപ്പൂമണം
ഒഴുകിവരുന്നു

0 Comments:

Post a Comment

Links to this post:

Create a Link

<< Home